गज़पको संविधान बन्ला जस्तो छ ।

10.5.11

गाउँ गाउँ कुना काप्चाका प्रत्येक नेपालीको भावना समेटेर नया नेपालको संविधान निर्माण गर्न भनि ६०५ जना 'विद्वान'हरुलाई जिताएर नेपाली जनताले अब चाहि केहि हुन्छ है भन्दै पर्खेर बसेको धेरै भैसको । ती विद्वानहरु मध्ये कतिपय विद्वानहरु भर्खर भर्खर अंग्रेजीमा 'आइ लभ यु' भन्न र लभ-लेट्टर लेख्न ट्रेनिंग लिदै गरेको हुँदा अझै केही ढिला हुन् सक्ने सम्भावना देखिएको छ र म्याद फेरी थपिएको छ । 'झर्ला र खाम्ला भन्ने' धोको पालेका नेपालीहरुलाइ के थाहा छैन भने त्यो संविधानको किताब लेखिदैमा तिनले पाउने र आमुल परिवर्तनै भैहाल्ने चाहि खास केही पनि हैन । त्यो नेताको कमाइ खाने निहुँ मात्र हो भन्ने कुरा गोप्य सुत्रबाट पत्ता लागेको छ ।

जनताको रगत पसिनाको कमाईबाट कुम्लायिने महिनाको पचास हजार तलबले नपुगेर यी सभाषद नामका बुद्धिजिवीहरु अब रातो पासपोर्ट बेच्ने गोरखधन्दा पनि शामिल भएका कुरा भर्खर संचारले छापेको छ । सभाषद द्वय नेपाली जनता दलकी गायत्री साह र मधेसी जनअधिकार फोरमका बिपी यादवले कुटनीतिक प्रयोजनका लागि उपलब्ध राहदानी जनही एक करोड पचास हजारमा बेचेका हुन ।

नीति निर्माण गर्ने राष्ट्रको गरिमामय स्थानमा बसेका यस्ता भ्रष्टहरुलाई हेरेर अनुमान लागौं त्यति गाह्रो नहोला,कि नेपाली जनतालाई यिनले कस्तो संविधान देलान ?



यिनै हुन पासपोर्ट बेचुवा सभाषद

0 चोइटा:

Post a Comment

यो झटारो मन परे एक दुइ "छेस्काछेस्की" तपाइँ नि लेख्न सक्नुहुन्छ । अलि दह्रो छेस्को या झटारै हान्नु भो भने चाहि पुरस्कारको पनि व्यवस्था गरेको छु ।